Kishte blerë respirator për djalin e sëmurë, ja dhuron spitalit të Vlorës

19:12 | 3 Prill 2020
Arbresh.info

Një qytetare në Vlorë ka vendosur që t’i dhurojë spitalit të vendit të saj një respirator që të përdoret për t’u ardhur në ndihmë personave që do të kenë nevojë për të.

Respiratori ishte blerë disa vite më parë nga familja por nuk është përdorur asnjëherë. Ata e kishin marrë për djalin e sëmurë të familjes i cili fatkeqësisht humbi jetën disa kohë më parë në Itali.

Tashmë zonja e vetmuar kryen gjestin human dhe e dhuron respiratorin për personat e prekur nga Covid-19.

Spitali rajonal i Vlorës respiratorin e dhuruar nga Dinore Idrizi do ta përdori tashmë për të gjitha familjet që do të kenë nevojë, specifikisht në këto momente për të gjithë individët e prekur me Covid.

Respiratori do të montohet në mjete të lëvizshme për të shkuar sa më pranë individëve qe do kenë probleme me frymëmarrjen në banesat e tyre. Respiratori është i pajisur me të gjitha pjesët që i duhet personelit mjekësor./tch

Shpërndaje në rrjete sociale

Lajmet më të lexuara

Të ngjashme

Foto lajm